食鮮辣滷車仔麵

营业中

休息中

去灣仔唔知食咩好嘅時候，肥妹仔通常會食呢一間車仔麵，佢價錢相宜，但係味道又唔錯，又多選擇！肥妹仔叫咗個秘製豬油撈麵，加埋牛筋，魚腐同埋魚皮餃。雖然食材好大路，但係勝在味道好香滷水味，牛筋好軟腍，個撈麵好好食好香豬油味。另外肥妹仔個男朋友叫咗個BB辣嘅咖喱醬幼麵，佢叫咗厚切午餐肉，炸魚肉春卷同秘製腩肉。個午餐肉超厚，炸到脆卜卜，腩肉好大塊，食落去肥瘦適中，個魚肉春卷亦都炸到脆卜卜。另外仲叫咗杯凍檸茶，唔錯！