泉昌美食 (已結業)

掃街行動到左最後一站，但鑑於時間唔夠要就唻返公司嘅關係，只可以一度行一度食。咖哩魷魚由於係一早整好的關係，係凍的。但咖哩味非常濃郁，辣味適中。而且魷魚夠林，有鬚又有「身」（係咪咁叫?），係好出色的咖哩魷魚。之前其實亦都試過佢嘅臭豆腐。有一日經過茂羅街，突然有一陣「臭」味撲鼻而來，醒起泉昌就係喺街尾...咁遠都聞到，自然畀佢吸引住。但奇怪地，行到去嘅時候又唔太聞到喎...但照樣買左一舊。豆腐好脆，但食落一D都唔臭，感覺都有D乾。醬亦唔夠香，尤其係辣醬好似冇咩味咁...失望...一好一唔好，就畀個OK啦。最後原來今次掃街行動三間野都只係"OK"...