喺灣仔打正旗號食潮州菜唔多，哩間開業年幾左右。
地方唔算大，今次坐喺邊位，自成一角。
首先嚟個普寧豆腐，豆腐好滑，個皮有少少似臭豆腐，幾香口。
蠔餅好好食，用料十足，最窩心係係分咗好多塊。
滷水鵝片雖然細碟少少，但係勝在幾好味😋
川椒鷄味道幾好，旁邊炸紫蘇葉冇油(益)味
梅羔排骨都唔錯，重點係有埋蝦片跟，出面好少排骨有埋蝦片㗎。
欖菜肉碎炒飯係惹味之選。
糖醋伊麵好食，唔點任何嘢食到佢嘅蛋味，脆口唔會腍啤啤。
最後係甜品時間，哩個反沙係雙併嘅，一般出面食只係反沙芋，哩度有埋反沙南瓜，較為特別，不過唔好甜品嘅我好難評論好唔好食啊！😛
