國際咖哩館 (已結業)

「國際咖喱館」喺灣仔有好多年歷史㗎啦。餐廳門外貼咗好多有名人幫襯嘅剪報，算係區內有名氣嘅咖喱店。▫️吉列豬扒 (HKD100)▫️沙嗲半打(HKD80) ▫️咖喱雜菜煲(HKD70) 吉列豬扒價錢我冇寫錯，真係賣$100一塊！無可否認炸豬扒係我哋點嘅食物之中最好味嘅一款，豬扒經過油炸之後入口竟然一啲油膩感都冇，外層薄脆，係唔錯嘅。咖喱汁味道比我想像中淡，同埋冇乜辣嘅味道。啊姐介紹沙嗲可以三款(豬、牛、雞)混合咁我哋咪試吓囉。沙嗲醬係幾重花生味嘅，串燒唔似即叫即燒嗰隻，上枱時係微暖及肉質有少少硬。咖喱雜菜煲可選跟白飯或薄餅。