玖五牛肉麵 (已結業)

-從來都只會等熱潮過左先會去食，而玖五牛肉麵就正正係其中一間！黎到當然係食牛肉麵，叫咗一碗招牌三合一，有牛腩牛筋同牛肚，湯底都幾濃，驚喜既係牛筋煮到好淋身而且入味，抵讚！飲品試左新出台式髒髒阿華田，只不過係多奶多阿華田粉既組合，好難唔好味！小食方面叫左幾款滷味食下，分別係豬大腸、豬耳同花干，個人比較鐘意豬耳同花干，豬耳入味而且爽口，而花干即係炸過既豆干，熱辣辣吸晒啲汁都唔錯！總括而言，佢麵食既份量都幾多，如果兩個人食可以叫一碗share再喪叫小食，咁就最精明！