影片
更多
2021-11-23
38 浏览
港島最近都有多間Omakase 新開張，同朋友一直都好想試嘅 惠 Sushi Kei 終於俾我地Book到位，一嚐米芝蓮二星嘅手勢！午市壽司十二貫午市廚師發辦分別有前菜沙律、茶碗蒸、十二件壽司、味噌湯同甜品或咖啡。蕃茄沙律及茶碗蒸凍蕃茄去皮後配上醒胃醬汁，加上蔥花同生蒜茸，味道酸酸地非常開胃。茶碗蒸嘅蛋幼滑有如豆腐花，百合嘅味道加上香濃蛋味可謂錦上添花。鱸魚「海王子」之稱嘅鱸魚來自本州中部靜岡縣，盛產期為6-8月。鱸魚味偏清淡，係一款清新嘅壽司, 配上鮮海帶絲令魚味提升另一層次。伊佐木伊佐木來自本州中部三重縣，盛產期為6-9月。伊佐木味道鮮甜且肉質彈牙，配上蔥花令整體口感多咗一層幽香嘅感覺。墨魚師傅特意喺墨魚灑上檸檬岩鹽，豐富咗平平無奇嘅墨魚壽司口感味道。北寄貝北寄貝來自北海道，四季盛產。北寄貝味道香甜且彈牙，帶住淡淡嘅海水味。牡丹蝦牡丹蝦來自日本東部或北海道，仍北海道三大名蝦之一。牡丹蝦肉甜美細滑，肉質綿中帶彈性，咀嚼感爽脆，肉嘅甜味會慢慢喺牙齒間散開。帆立貝帆立貝即香港人俗稱嘅扇貝，只有出產自北海道嘅帆立貝先適合做刺身或壽司。帆立貝口感甜美而且有Creamy嘅感覺，肉質細嫩清甜爽滑
港島最近都有多間Omakase 新開張，同朋友一直都好想試嘅 惠 Sushi Kei 終於俾我地Book到位，一嚐米芝蓮二星嘅手勢！
午市壽司十二貫
午市廚師發辦分別有前菜沙律、茶碗蒸、十二件壽司、味噌湯同甜品或咖啡。
蕃茄沙律及茶碗蒸
凍蕃茄去皮後配上醒胃醬汁，加上蔥花同生蒜茸，味道酸酸地非常開胃。
茶碗蒸嘅蛋幼滑有如豆腐花，百合嘅味道加上香濃蛋味可謂錦上添花。
鱸魚
「海王子」之稱嘅鱸魚來自本州中部靜岡縣，盛產期為6-8月。
鱸魚味偏清淡，係一款清新嘅壽司, 配上鮮海帶絲令魚味提升另一層次。
伊佐木
伊佐木來自本州中部三重縣，盛產期為6-9月。
伊佐木味道鮮甜且肉質彈牙，配上蔥花令整體口感多咗一層幽香嘅感覺。
墨魚
師傅特意喺墨魚灑上檸檬岩鹽，豐富咗平平無奇嘅墨魚壽司口感味道。
北寄貝
北寄貝來自北海道，四季盛產。
北寄貝味道香甜且彈牙，帶住淡淡嘅海水味。
牡丹蝦
牡丹蝦來自日本東部或北海道，仍北海道三大名蝦之一。
牡丹蝦肉甜美細滑，肉質綿中帶彈性，咀嚼感爽脆，肉嘅甜味會慢慢喺牙齒間散開。
帆立貝
帆立貝即香港人俗稱嘅扇貝，只有出產自北海道嘅帆立貝先適合做刺身或壽司。
帆立貝口感甜美而且有Creamy嘅感覺，肉質細嫩清甜爽滑。
金目鯛
金目鯛來自日本伊豆或四國等地，盛產期為12-2月。
金目鯛油脂分泌均衡，肉質偏彈牙，魚肉味偏濃，配上鮮海帶絲令魚口層次感提升。
深海池魚
池魚來自九州長崎縣，盛產期為5-9月。
池魚肉質非常結實爽口，而且味道濃烈而帶有淡淡油香。
三文魚籽
三文魚籽非常出色，完全冇任何腥味非常新鮮。而且每粒魚籽外皮香甜、脆身且帶有類似酒味嘅清香。
鰤魚
鰤魚來自日本東海及九州沿海一帶，盛產期為12-1月。
經師傅火炙後逼出咗魚肉嘅油脂，入口味道偏酸。
馬糞海膽
馬糞膽來自北海道，四季盛產。
絕對係令我瘋狂嘅另一道壽司，海膽味非常濃郁，鮮甜幼滑而且入口即溶，有如食緊海洋味嘅忌廉一樣！
野生拖羅
野生拖羅主要產地來自北海道，盛產期11-2月。
非常高質嘅拖羅，因為係野生嘅關係，所以佢地會喺海入面有較多嘅運動量，由而魚肉同油脂分佈平均。拖羅幾乎入口即溶，再而慢慢滲出油脂香味以及魚肉嘅鮮味。
味噌湯
細粒嘅蔥花可見師傅精緻嘅刀功。
靜岡蜜瓜
以一片香甜清新嘅靜岡蜜瓜作結，大滿足！
张贴
