囍麵見

主打湯底同米線，選擇多，價錢算係灣仔區好親民，特別啱上班族快快手解決一餐！

花膠濃湯雞米線魚腐
湯底係比較清淡嗰種，但勝在唔會太鹹或者太油膩，飲落幾舒服。雞肉份量多，魚腐幾彈牙，米線份量啱啱好，食落飽肚又唔會太重負擔。

酸辣金菇滑牛米線，
酸辣味道啱啱好夠開胃，滑牛肉片唔會太老，金菇分量足，整體食落順口。

秘製雞翼
雞翼炸得幾香口，皮脆肉亦嫩，當米線配菜就啱啱好。

整體嚟講，環境又乾淨企理，啱晒一班上班族中午快手飽肚，係灣仔區一個不錯嘅入門選擇！