抹茶館 (已結業)

想信好多人，特別係女孩子都對綠茶、抹茶有種情意結。當知道開了個抹茶館，心裡面即刻講句“今次不得了”……期待左好耐，終於搵到朋友陪我試菜了夜晚9點幾，以平日黎講，已經算夜，所以都唔需要等位已經可以入座。好肚餓呀，睇下menu ,有好多綠茶飲品及甜品可以選擇，熱食相對較少，不過價錢都偏貴，甜品及飲品$50～70，熱食$60～100，全部都冇餐跟。最後，我地order 1個滑蛋豬扒飯，1個牛肉湯拉麵，1個綠茶芭菲。其實熱食同出面其他餐廳分別不大。要講的應該是甜品。綠茶芭菲，我真係好失望，整個芭菲分左幾層，最底的是涼粉，之後是乳酪，跟住係麥片，紅豆，最上的時綠茶軟雪糕。首先，賣相已經唔吸引，個杯隱約會見到油積，綠茶雪糕淡而無味，好似只係食緊凍嘅野咁，底下嘅配料全部係下價貨，自己係屋企都可以做到其實食甜品，最大原因因為外表吸引，已經可以令人心花怒放，其次係甜品嘅味道是否可以給人幸福的感覺，好可惜，今次我2者都睇會唔到