影片
更多
2023-09-15
77 浏览
好耐冇食韓國菜，今次同老婆撐枱腳呢間韓國餐廳GYOJASANG 교자상喺銅鑼灣Fashion Walk食街入面。餐廳以木系為主調，風格既有韓國傳統古典風格亦帶有現代簡潔設計，配合暖色系燈光，感覺高級而且有格調。雖然餐廳位於名店坊，但定價亦相對親民，由韓國當地大府研發菜式，採用濟州新鮮食材嘅4個courses晚市套餐都只係$385一位。😁JEJU TASTING NIGHT $385以濟州島做主題嘅晚市套餐包括前菜、小食、主菜同飯，食材以濟州島盛產嘅新鮮海產為主，主菜除咗可揀選濟州八爪魚腳之外，亦可加錢升級濟州韓牛。濟州柑橘黑芝麻布拉塔Burrata Cheese外層係柔軟而又有彈性嘅Mozzarella，中心就係比較香滑嘅芝士同忌廉，入口濕潤多汁，配上芝麻醬，味道清新醒胃。😙海鮮年糕微辣嘅韓式炒年糕非常惹味，海鮮份量好多，八爪魚大大隻而且熟度剛好，口感軟滑彈牙。👍🏻濟州韓牛店員會即場煎呢塊濟州韓牛，油脂豐腴而且油花均勻細緻，口感雖未至於A5和牛咁軟嫩，不過已經好柔軟，而且牛味非常濃郁。😍濟州產鮑魚飯嚟自濟州嘅鮑魚好厚肉，口感煙韌爽口，配上紫米飯食鮮甜美突出。😋荔枝梳打梳打好大杯，有兩粒
JEJU TASTING NIGHT $385
以濟州島做主題嘅晚市套餐包括前菜、小食、主菜同飯，食材以濟州島盛產嘅新鮮海產為主，主菜除咗可揀選濟州八爪魚腳之外，亦可加錢升級濟州韓牛。
濟州柑橘黑芝麻布拉塔
Burrata Cheese外層係柔軟而又有彈性嘅Mozzarella，中心就係比較香滑嘅芝士同忌廉，入口濕潤多汁，配上芝麻醬，味道清新醒胃。😙
海鮮年糕
微辣嘅韓式炒年糕非常惹味，海鮮份量好多，八爪魚大大隻而且熟度剛好，口感軟滑彈牙。👍🏻
濟州韓牛
店員會即場煎呢塊濟州韓牛，油脂豐腴而且油花均勻細緻，口感雖未至於A5和牛咁軟嫩，不過已經好柔軟，而且牛味非常濃郁。😍
濟州產鮑魚飯
嚟自濟州嘅鮑魚好厚肉，口感煙韌爽口，配上紫米飯食鮮甜美突出。😋
荔枝梳打
梳打好大杯，有兩粒原粒荔枝，味道香甜，非常解膩。👍🏻
张贴
