有間本舖 (已結業)

第一次買成個古早味蛋糕番屋企食，好興奮！聽朋友介紹黎有間本舖，話有好多分店，好出名咁話。我今次見幾就腳就黎左灣仔店。呢間鋪頭個面積都幾大！見到入面製造工廠好寬敞，出面等候區仲有冷氣！呢個大熱天時真係難得！今日黎到就揀左款黃金芝士味，仲有蜂蜜蔓越莓味。每款$75，每人限買兩件。呢度包裝又幾靚，花左好多心思設計，可以摺到一個盒咁，又可以有手提位。味道方面，芝士味道唔算好重，中間係一塊嘅芝士，略帶鹹香。蔓越莓味甜美，相比芝士更強烈。口感方面，比起我以前食嘅少一份空氣感，多一份濕潤。