四季文昌 (已結業)

平日難得唔洗返工，正好同兩老食好西。今次揀左四季文昌火鍋,唔好以為係一般傳統酒家,一入門口已經覺得好有文青氣息。入座時8點鐘,場境都唔算好full,枱與枱之間都尚算寛敞,裝修格局完全係年輕人口味,幾有品味,連個menu都靚過人哩到最出名係椰子雞煲,但我地叫左個「火焰龍蝦海鮮鍋」,材料都幾足。強烈推介，新鮮海鮮配上熬製左4-5個鐘龍蝦湯，味道濃郁香口，基本上所有材料放落去都會好食，波士頓龍蝦肉鮮味嫩滑，花蛤都吸收湯底鮮甜味道，反而青口味道略有失色，食唔出味道，略嫌有啲鞋。個人覺得湯底好好味但兩老覺得有啲咸。食完一轉海鮮可以加碼其他食物，到時可以揀加湯（要每次加錢）或者加水。為左配合佢地口味，加水比較適合，而且可以試下其他食物味道。雖然叫左細份，但價錢相對地貴，可幸份量同味道都唔錯，絕對唔係薄切牛肉，肉味香口。墨丸彈牙有咬口，墨丸上蟹子放入鍋已經消失得係影無蹤，仲有胃的話可以一試。今次無叫烏冬，反而想一試煲仔飯。整體我們仨食得好開心，食物新鮮之餘，我實在太鐘意個環境，下次再同班fd子試下椰子雞煲