蝦麵店 (蘭杜街) (已搬遷) 新店位置

假日同朋友行完街肚餓，見到間粉麵店即刻二話不說行左入去。蝦麵店有4款湯底，我吾食得辣所以叫左豬骨湯，朋友就叫左辣味蝦湯底，辣味蝦湯底值得一試，好有蝦既鮮甜味道。麵底都有幾款有得簡，最特別係摻摻，係米粉撈油麵，佢個麵都幾大碗，一個人食都好夠飽。我叫左C4.冬菇雞絲麵，仲送左兩款魚片，冬菇超左片十分細心，吾洗大大啖咁咬，雞絲完全無急凍既味道，吾錯。朋友就叫A1.蝦肉牛展麵，牛展煮得好林好入味，蝦肉都好新鮮。另外，叫左個小食沙嗲油魚翼，味道幾濃烈，沙嗲醬係自己整，都幾夾。成間餐廳裝修到野食既味道都好有係新加坡既感覺，都幾地道。