番茄師兄

营业中

休息中

去完黃金買嘢，就順便試食埋人氣小店番茄師兄。晚上都有唔少人等位，職員每次都會嗌幾張見飛，拎完飛都儘量唔好行開。大概等咗半個鐘就有得入座，涼到冷氣嗰刻感覺終於得救。店內墻上都有介紹其他黃店，順便可以計下自己食過幾多間。滑一滑日式拉麵 $49番茄湯底好濃郁，係會見到番茄蓉。味道甜甜地，都唔似落咗味精。呢碗係有騸牯滑牛配炒滑蛋，牛肉唔韌，炒蛋好滑且帶有好香嘅牛奶味。一貝子上海麵 $69上海麵呢碗就有牛油帶子配大蜆。帶子有微微煎香表面，口感彈牙。而蜆肉都好大隻，可惜味道有啲腥，同埋仲食到有沙。