影片
更多
2013-12-30
369 浏览
其實已經黎過Ramen Champion 4,5次...呢度既設計其實都幾得意...玩淘汰制所以有d幫襯過既已經唔存在一向好食拉麵我同豬仔,係見有d新力軍進駐左~所以又黎試下喇!! 繞場一週，發現呢間既賣相都幾吸引, 一於齊齊一試!我地2個各自叫左一個set, 豬仔要左炸雞set, 我就要左餃子set等左5-10分鐘度~拉麵登場!!呢個係豬仔的炸雞set呢個係我的餃子set老實講, 兩碗麵一上場同豬仔不禁講左句「乜咁細碗既........」因為隔離檔個d, 基本上都砌到好似火山爆發咁爭在未跌到一枱都係反而呢碗野.... 的骰左d喎老友結果大家係一個預左食唔飽既心理狀況下開始食喇..食第一啖, 同豬仔大家驚嘆左一下!由於呢檔係九州既麵檔, 所以佢係用幼身既拉麵...而第一啖食落去, 麵好滑, 充份掛左湯味, 好濃郁!!!再飲啖湯, 佢唔係平時成層油浮係面個種湯...因為就算係日本食又好, Ramen Champion其他檔都好好多都會有一層油浮面, 但呢間冇, 而且個湯偏杰身, 奶白色咁樣除左應有既咸味, 佢仲有一種甜甜地既味道, 總之一飲就會感覺係好creamy好豐富的湯底!就係呷左
呢度既設計其實都幾得意...玩淘汰制
所以有d幫襯過既已經唔存在
一向好食拉麵我同豬仔,係見有d新力軍進駐左~所以又黎試下喇!!
繞場一週，發現呢間既賣相都幾吸引, 一於齊齊一試!
我地2個各自叫左一個set, 豬仔要左炸雞set, 我就要左餃子set
等左5-10分鐘度~拉麵登場!!
呢個係豬仔的炸雞set
呢個係我的餃子set老實講, 兩碗麵一上場
同豬仔不禁講左句「乜咁細碗既........」
因為隔離檔個d, 基本上都砌到好似火山爆發咁爭在未跌到一枱都係
反而呢碗野.... 的骰左d喎老友
結果大家係一個預左食唔飽既心理狀況下開始食喇..
食第一啖, 同豬仔大家驚嘆左一下!
由於呢檔係九州既麵檔, 所以佢係用幼身既拉麵...
而第一啖食落去, 麵好滑, 充份掛左湯味, 好濃郁!!!
再飲啖湯, 佢唔係平時成層油浮係面個種湯...
因為就算係日本食又好, Ramen Champion其他檔都好
好多都會有一層油浮面, 但呢間冇, 而且個湯偏杰身, 奶白色咁樣
除左應有既咸味, 佢仲有一種甜甜地既味道, 總之一飲就會感覺係好creamy好豐富的湯底!
就係呷左呢啖湯, 即刻對碗麵加分!!!
蛋呢...個賣相就唔太靚仔喇, 如圖所見, 有d乾爭爭,
尤其餃子set個碗隻蛋黃係杰左一o舊野咁..
(唔好意思, 部手提short short地, 成日影d相都鬆郁曚.. =__=)
雖然唔係好靚仔, 但食落又滑身喎隻蛋, 不過應該就冇溏心...就咁半熟蛋ONLY
至於叉燒, 果然都冇令人失望, 叉燒對我黎講得一樣最重要, 就係冇豬豬味
(註: 豬豬味, 即係肉類唔新鮮 OR 放得耐所發出既一種味道, 應該係坊間講既"豬除")
呢間既叉燒一D豬豬味都冇, 抵讚!!!!!!!
到D小食, 炸雞豬仔話覺得麻麻, 味道係OK, 不過可能佢個炸皮整得唔夠鬆脆~
而餃子方面, 不過不失, 外層夠脆, 食落味道OK, 亦都唔會成口肉好油膩!
整體黎講, 同豬仔一致認為真係做得唔錯既拉麵!
主要係佢個湯, 味道真係好豐富, 食落會越想食落去
出奇地, 食到尾, 我同豬仔都覺得飽喇喎!!!!
(豬仔 = 1.5 ~ 2人食量, 視乎身體狀況XDDDDDDDDD)
真係好不可思議，唔好睇佢咁細碗~@@
鍾意食拉麵既人真係值得一試, 個湯真係令人回味GA!!!!
张贴
