渝薌烤魚 (已結業)

到九龍城按摩，按完就想醫肚喇。不過想食得清淡啲，到底係泰菜餐館林立既九龍城有無可能？行左三條街，終於比我係食烤魚既食店搵到有魚湯米線！ 見到餐牌寫住 真材實料，不添色素，不含味精，絕無腥味。睇黎店主對自己既魚湯真係有滿滿既自信，今次無死喇。蠔仔肉碎魚湯米線 加勝瓜 $47可能夜晚比較少人食米線，都等左兩三個字先有得食。蠔仔雖然細細粒，但好飽滿，而且味道鮮味，如果份量多啲就好喇米線屬於於粗線條，口感好滑，由於我特別鐘意食腍身米線，呢個好岩我。難怪店主甘有自信，個魚湯真係好濃郁，厚實既奶白色，濃到不見底。有鮮甜既味道，又帶點咸，以為帶味精，但食完又真係唔口湯。真材實料既湯，最後比我飲到一滴不留。