Aroma Truffle (已結業)

前幾日行銅鑼灣希慎廣場，發現新加坡人氣黑松露薯片AROMA TRUFFLE開左分店!原來係首間海外分店!一直我都係托新加坡朋友代購，而家係香港開左，就方便好多啦!即刻入手買左原味同蜜糖芥末味，芝士味留返下次再試~原味薯片一打開包裝，嘩!!! 係濃郁又誘人既黑松露香，每一塊味道均勻，啖啖芬芳馥郁，食完係口中仲有松露既餘韻繚繞，黑松露愛好者必入手!蜜糖芥末味，既有蜜糖既甜味，又帶有芥末既辣味，估唔到同黑松露又幾夾!食落味道豐富又濃烈，好有層次!黑松露薯片香脆厚身，波浪型富口感，啖啖都係香濃薯仔味~下次要買埋芝士味試下!址:銅鑼灣軒尼詩道500號希慎廣場B105號鋪