金鶴拉麵 (荷李活道) (已結業)

日本野之中，拉麵係我最鍾意食既。之前已經聼過【金鶴拉麵】，今次經過中環店就試下。平時豬骨湯同味增湯底都食得多，所以見到招牌係鷄白湯，當然二話不説就試左呢款，本身比較鍾意食比較清淡既我就叫左普通鷄白湯。湯底超級濃，但完全唔覺得鹹同heavy，反而比平時豬骨湯清爽！而且toppings都有好多，有半隻味付流心蛋、鷄胸肉2片、叉燒一片、炸牛蒡、木耳、葱同筍。個人最欣賞炸牛蒡，香脆但又有keep到牛蒡既鮮味！拉麵軟硬適中，而且非常挂湯！size比平常既拉麵大，一碗唔加小食都非常夠飽！