叫左個無冰胚芽朱古力，好濃的吉百利朱古力，好味! 仲要係勁多胚芽，因為無冰，睇到D胚芽有半吋高，飲都尾都仲可以啖啖胚芽，正!!
奶奶杯蜂蜜蘆薈都好潤，天氣乾燥喉乾乾飲就至岩。
招牌牛魔王 - 沙嗲牛肉包是也，個包係即叫即烘，好香脆的。餡料幾多，但唔係太多汁整淋個包，幾好食。以呢個價錢有咁嘅質素真係好唔錯!!
鹵水八爪魚，生冷野無得食，不過老公話好爽，一D 都唔韌，勁好味
老公仲叫左杯珍珠奶茶，D 珍珠都幾多幾大杯，味道無乜特別。老公話飲咁多珍珠奶茶黎講，呢杯都算係佢差唔多食唔晒D 珍珠的一杯，飲完好飽。
