泰濃麵 (蘭芳道) (已結業)

呢排過左去港島嗰邊返工，放工之後就同朋友去銅鑼灣搵好野食。鐘意食東南亞菜式既我同朋友就搵左一間食泰國菜既餐廳食dinner。呢間餐廳主打船麵，另外仲有海南雞飯同埋豬手飯！船麵有親民既選擇，最平只需要68蚊，亦都有貴價既選擇，包括和牛、龍蝦仲有鮑魚，豐儉由人。我就揀左黑豚肉船麵，麵就揀左薯粉。船麵好足料，入面唔單止有好多塊黑豚肉，仲有魚蛋、炸豬皮、蘿蔔、秋葵等，湯底又濃郁。另外，泰式豬手亦都好正，肉質軟腍又香，入口即溶。食泰國菜當然唔少得椰青啦！