阿木台灣麵 (廣華街) (已結業)

好食到爆炸！同女朋友仔去試新野，佢對台灣味超高要求，帶佢去就最啱啦～要左個肉鬆蛋餅，蛋味同蔥味都好出，係台灣早餐店嘅味，好感動！麻辣牛肉牛筋麵個湯底無咩驚喜，可能俾麻辣味搶左，但係塊牛肉正到嘩一聲，我覺得連個蔥都有來頭，好香，酸菜都好食，必食！但係下次應該會試原味～個魯肉飯都好食，不過個飯量太大，最後食唔晒好嘥～細食嘅朋友我覺得可以要佢少飯！地瓜葉都冇咩好講，冇條菜落肚唔得，好食！ 搵到呢間女朋友都話我叻，8點半到都算坐滿，淨2張枱，好想分享佢出去但係又驚佢出左名以後要排隊😂😂😂！