燈籠滷味 (登龍街) (已結業)

去到銅鑼灣想食下午茶，就揀左呢間食台灣野嘅。台式黑糖珍珠奶茶（$8)佢每日都有優惠，而呢日嘅優惠係$3嘅台式奶茶，加珍珠就加$5 ，奶茶同平時啲台式飲品店差唔多，加上有黑糖珍珠，成杯就比較甜嘅。珍珠軟硬適中，而且都好多，好大杯。自選麵（油麵、豬耳、米血糕、甜不辣）（$44)店內提供左幾個餐嘅，但係啲餸都唔係好岩口味，所以就自己揀啦。咁我就叫左油麵、豬耳、米血糕、甜不辣，油麵煮得岩岩好，唔會太淋。豬耳就好淋，冇咩咬口，但係有啲滷水味，唔錯。甜不辣不過不失。米血糕個人就覺得唔太好食，咬落去嘅質感好黐。海苔鹽酥雞（$46)本身以為係$19 ，唔知點解出到黎張單價錢變左$46 。炸雞份量唔多，但上面有啲海苔都唔錯。炸皮ok，唔會太厚，但係就有啲硬。啲雞都好細粒，食得唔係好滿足。