小娘惹 (已結業)

勁搞笑今日同同事skype message約另一個係附近做嘢嘅小學同學食lunch，點知我搞錯左時間以為係今日，本身想一齊去遠d太古城，最後淨返兩個人就係附近食。之前試過小娘惹嘅laksa都唔錯，今次就試下佢地嘅海南雞飯啦！落完order坐低一陣就好快有得食嚕，除左個飯，仲有一杯椰子湯同一杯羅漢果水。杯椰子湯真係不得了！你以為係平時椰子煲雞個d味精湯，咁就錯啦！濃濃嘅奶白色，相信加左少少椰奶，比平時嘅湯濃味，好味好味！到飯，係加左味嘅飯，唔係好記得係加左d咩，總之好味道哈哈！加埋少少蒜片好香口。至於海南雞，份量超級多！平時海南雞飯只會有一層雞，哩度竟然有兩層！醬汁唔太辣，增添少少甜味同惹味，雖然成個飯唔係好熱，但係味道補返數