Bugis@叻沙・海南雞飯

营业中

休息中

同前同事系荔枝角个头食饭，平时都比较少上到D2 place一期3楼食野。见到有间食叻沙嘅餐厅，啱晒钟意食浓味食物嘅我。午市套餐虽然唔算平好多，但为免麻烦都系叫套餐。-鲜虾干捞面 $72一碗里面有齐虾、煎蛋、豆卜、同鸡翼，份量其实唔算好多，但对我而言都够饱。加上呢个套餐仲会跟一碗汤，味道都算清甜嘅，饮多两啖都饱饱地。个人几钟意捞面嘅味道，够咸香，唔会出现有啲面无酱汁嘅情况。-黑糖珍珠豆浆第一次试加咗黑糖珍珠嘅豆浆，感觉都几新鲜。本身仲惊会有伏，但原来呢个配搭都几正。捞匀后豆浆有淡淡嘅黑糖香，好特别，珍珠都颇烟韧。