神山麺屋 (新聲大廈) (已結業)

呢間神山拉麵來自日本東京，主打沾麵。佢地理位置好方便，店舖樓面都好大好乾淨，每碗麵平均$70-80蚊，喺呢個地段黎講幾抵食。我今日食左： 🔸️極辛牛舌沾汁麵套餐（$148，8.2／10）套餐配特飲同辛味豚耳。特飲我揀左蜜桃焙茶。沾麵係熱上，上面有三塊牛舌。佢個極辛湯底可以分三隻辣既級別，我今次係揀最低級辣，但佢個低級辣都真係辣，唔食得辣既就最好唔好揀呢個。沾麵麵質都還可以，個沾湯味道幾好！牛舌就一般正常水平。隨套餐送既辛味豚耳幾好食！蜜桃焙茶都好好味好解渴。 🔸️唐揚豆池魚（$42，8.2／10） 炸得好酥脆，好香口，豆池魚味都幾出。佐酒一流。