十二味 (青衣城2)

营业中

休息中

雖然冇左晚市堂食，不過都有外賣自取，今日就去左青衣城二期新開既十二味買外賣，十二味嘅意思係用十二種香料熬製而成嘅調味料，呢度裝修有中華特色，有經典既百子櫃，紅燈籠🏮，一睇就知係食川菜，而家外賣仲有九折添，川菜大家都一定係諗食辣野，但係呢度都有唔少唔辣既菜式，而辣既菜式味有幾個辣度俾你選擇，我就揀左個前菜涼拌士豆絲，口水雞叫左少辣，蔥油拌麵，仲有甜品紅糖糍粑。全部即叫即整，就算攞到返屋企都仲熱辣辣。蔥油拌麵$38-都幾大碟，好抵食，富蔥油香麵質彈牙。涼拌士豆絲$43-有蒜蓉同埋少少醋再加芝麻,土豆絲夠爽口開胃。川式口水雞$73-我地叫左少辣，辣味剛剛好，有椒麻香再配芝麻蔥花花生碎，雞夠滑夠惹味。紅糖糍粑$48-外脆內軟口感似年糕煙煙韌韌既糍粑切成條狀炸香，再點紅糖食，一個唔錯既甜品做結尾。