燒魂 (已結業)

尖沙咀出名有好多放題，基本上出名嗰幾間都食過好多次，所以今次想試下其他放題，估唔到都幾好，而且價格相宜合理。好彩我地今日早食晚飯，所以唔洗等位，六點半開始好多人，要等位，如果下次再黎，預約定好d~ 開頭以為呢間淨係食烤肉，原來仲有好多其他食物，而且仲有好多唔同種類！不過，燒肉始終係主打，所以我地都係先食燒肉！黑毛霜降和牛和牛脂肪分佈都算均勻，色澤新鮮，顏色夠紅，燒既時候好香肉味，肉質鮮嫩，燒熟後，脂肪熔為油，所以入口幾滑，牛肉味幾香，正一口和牛由於每一粒都幾厚身，所以要先燒哂四面鎖住肉汁，由於厚身，所以有好多肉汁喺入面，好juicy ，好香牛味，入口煙靱一點，有口感一點燒虎蝦虎蝦比較大隻，都好彈牙多肉，主要貪佢大隻多肉，比較少d膏燒洋蔥/芝士腸/白磨菇/獅子狗/墨魚丸有好多其他配料燒，燒洋蔥拼埋其他肉一齊食，另有一番味道，更加香口。芝士腸燒到有少少爆就啱啱好，入面既芝士溢出，正。食左咁多肉，食下白磨菇就冇咁膩，而且又健康獅子狗墨魚丸都算彈牙，不過不失日式麻醬豆腐豆腐又凍又軟又滑，加上麻醬，更為香口總括而言，呢間放題既牛肉係特別出色，而且好多選擇，一定會再去。