影片
更多
2021-08-17
128 浏览
招牌2cm厚豬扒 配椰香濃稠叻沙🧉🌶﹣﹣﹣﹣﹣﹣﹣﹣﹣﹣﹣﹣﹣﹣﹣﹣● 厚切豬扒叻沙摻摻 $64見到隔離枱食緊厚切豬扒，毫不猶豫即刻跟隊！餐牌寫成8安士嘅豬扒，切開保守估計都2cm厚🤏🏻 啱啱炸起，熱辣辣脆卜卜💥 中間豬肉粉粉嫩嫩咁，仲夾雜着少許脂肪，咬落去大塊鬆化又冇筋，幾出色☺️叻沙湯底濃郁，帶椰香味，湯底仲係香滑濃稠嘅口感，而唔係只有叻沙味嘅水！🤤配菜除咗魚蛋豆卜呢啲大路嘢，仲有粒流心蛋添😉 必食米粉溝油麵嘅摻摻麵底，加埋芽菜，三重口感一絕！○ 小印度咖哩牛腩 配烤餅 $75咖喱牛腩個咖喱非常出色，食到唔同嘅香料味，特別有東南亞咖喱嘅風味☺️ 反而個牛腩我就覺得有啲柴，雖然佢好大嚿但係都比較難咬，對比啱啱先食完厚但嫩滑嘅豬扒，豬扒可以講話係完勝！同埋可以唔使加錢轉烤餅都得，烤餅偏乾身，唔係煙韌嘅口感😗 呢個咖喱汁配飯食都已經好正👍🏻● 鴛鴦雞配椰漿飯 $64兩種食法嘅雞飯有啲驚喜，本身以為南乳脆炸雞會偏乾身，但食落去又唔會喎～咬落去見到炸皮好薄，雞肉都好厚身🤗另一隻直情係雞髀，又係啖啖肉，而且個汁係新加坡咖喱汁，又唔同樓上個小印度咖喱汁，呢隻冇咁多香料嘢同冇咁辣，比較易入口🤪🍗○ 跟
招牌2cm厚豬扒 配椰香濃稠叻沙🧉🌶
﹣﹣﹣﹣﹣﹣﹣﹣﹣﹣﹣﹣﹣﹣﹣﹣
● 厚切豬扒叻沙摻摻 $64
見到隔離枱食緊厚切豬扒，毫不猶豫即刻跟隊！餐牌寫成8安士嘅豬扒，切開保守估計都2cm厚🤏🏻 啱啱炸起，熱辣辣脆卜卜💥 中間豬肉粉粉嫩嫩咁，仲夾雜着少許脂肪，咬落去大塊鬆化又冇筋，幾出色☺️
叻沙湯底濃郁，帶椰香味，湯底仲係香滑濃稠嘅口感，而唔係只有叻沙味嘅水！🤤
配菜除咗魚蛋豆卜呢啲大路嘢，仲有粒流心蛋添😉 必食米粉溝油麵嘅摻摻麵底，加埋芽菜，三重口感一絕！
○ 小印度咖哩牛腩 配烤餅 $75
咖喱牛腩個咖喱非常出色，食到唔同嘅香料味，特別有東南亞咖喱嘅風味☺️
反而個牛腩我就覺得有啲柴，雖然佢好大嚿但係都比較難咬，對比啱啱先食完厚但嫩滑嘅豬扒，豬扒可以講話係完勝！
同埋可以唔使加錢轉烤餅都得，烤餅偏乾身，唔係煙韌嘅口感😗 呢個咖喱汁配飯食都已經好正👍🏻
● 鴛鴦雞配椰漿飯 $64
兩種食法嘅雞飯有啲驚喜，本身以為南乳脆炸雞會偏乾身，但食落去又唔會喎～咬落去見到炸皮好薄，雞肉都好厚身🤗
另一隻直情係雞髀，又係啖啖肉，而且個汁係新加坡咖喱汁，又唔同樓上個小印度咖喱汁，呢隻冇咁多香料嘢同冇咁辣，比較易入口🤪🍗
○ 跟餐老火靚湯／飲品
馬拉白咖啡同奶茶都係正常發揮，多咗個餐試吓碗老火靚湯，睇湯渣就知足料😆
極肚餓之下，兩個人嗌咗三個餐，大份到食唔晒要打包拎走。性價比真係好高！下次會再食😙
﹣﹣﹣﹣﹣﹣﹣﹣﹣﹣﹣﹣﹣﹣﹣﹣
星洲總廚
大角咀大全街57號地下
张贴
