三多 (已結業)

三多除咗觀塘之外，原來元朗都有分店。今日就心血來潮，想食佢哋嘅炸雞脾，估唔到炸雞髀都一樣咁好食。外層炸得卜卜脆，裏面就非常有肉汁。跟住我仲叫咗一份豬扒包食。 食之前梗係要咬下佢哋啲薯條啦。薯條都好香口，有啲厚度。 跟住佢哋嘅豬扒包，外層脆皮，豬扒包舊豬扒厚度啱啱好，成個豬扒包其實都幾有澳門嘅風味。因為佢嘅豬扒其實唔乾身，配埋啲蔬菜一齊食真係好有口感。佢哋都算好，豬扒包加薯條原來都可以連埋汽水一齊買。 食完炸嘢又食埋個豬扒包梗係要飲返杯汽水冰涼下啦。