The BASE nature (已結業)

同老豆黎荃湾食饭，见到有个$458嘅招牌肉眼二人餐，都几抵食。包餐汤餐包，一个意粉一个牛扒同两杯饮品。餐汤系蕃茄汤，蕃茄味浓，唔系淡茂茂嘅罗宋汤。面包系酸种法国多士，欣赏佢焗得几脆而且搽满牛油食落几香口。推荐佢嘅虫草花米型粉好creamy,好香黑松露味，仲有只鸡蛋俾你捞匀。米型粉口感好特意，似QQ饭粒，蒟蒻饭嘅感觉， 又几好食。澳洲MB2黑安格斯肉眼扒叫左5成熟，够juicy。 推介烟熏岩盐，配牛排一流。配菜都几多款式，有南瓜薯仔冬菇。西班牙海鲜饭名副其实海鲜饭，海鲜份量非常多，有鱿鱼三只南海虎虾，蚬同青口，铺满成个饭。最后饮品部份，叫左mocha咖啡同蜜糖桂花茉莉绿茶。摆盘几特别，有个烛台喺下面咁就唔使惊佢变冻。咖啡亦都香浓。