牛一 (荃灣廣場) (已結業)

牛一指定分店（荃灣、香港仔）做緊澳洲安格斯封門柳買一送一優惠。120分鐘，街客$308，會員$298。依家兩位連加一都係$357.6，即係每人$180唔使，勁抵食。主打都係食牛，有三款。澳洲安格斯封門柳Encore 咗5次，每次啲質素都唔錯。夠嫩，有肉味。美國頂級肩胛肋眼Encore 咗3次，質素同樣可以。因為係肩胛位，所以冇咁嫩，但肉味多啲啲。美國特選級穀飼牛肉Encore 咗1次，比較肥，一般般。除咗自助bar嘅嘉士伯，另外朝日啤酒都可以任飲（要落單）。