新沙洞澡堂 (已結業)

屋企附近又開左一間好人氣嘅cafe~以「♨️韓式澡堂 x cafe ☕️」為主題，打造出別樹一格嘅韓式料理～之前叫過一次外賣🥡，覺得食物水準都唔錯～於是今次直接落嚟舖頭，買外賣之餘順手打個靚卡📸️「♨️新沙洞招牌2人套餐」2人餐唔算平，但整體都算多野👍🏻有炸雞/拌飯/年糕湯/窩夫同埋飲品先講拌飯，今次揀左「🐷泡菜豬肉拌飯」～就係好韓式嘅味道，個泡菜好正😋不過配菜上稍失色，可能見有拌飯醬跟～個波菜同芽菜係完全冇味，如果會用麻油撈撈就會好啲～呢一點絕對係扣分位！但另一點抵讚就係有個「柚子醋醃蘿蔔」呢個係咁多款配菜當中最好食～柚子味香，蘿蔔又夠爽脆😋😋韓式炸雞🍗佢地好好人咁可以比你揀2款口味～今次揀左「韓式柚子」同「蒜蓉醬油」～2款味道都好，一款酸甜，一款鹹鹹地好惹味～但炸雞質地未算做到好嫩滑～整體水準普普通通喇～「🎣魚糕年糕湯」呢款湯底好濃郁，採用韓式個種海帶魚仔做湯頭～充滿鹹鮮香，配合魚糕年糕非常合襯～如果年糕可以多啲，魚糕少啲感覺就仲好喇～「士多啤梨牛角酥窩夫」&「特飲2杯」估唔到個🍓士多啤梨窩夫咁多士多啤梨係面！鋪滿到成隻刺蝟🦔咁嘅樣～但味道真係好好食👍🏻👍🏻牛角酥窩夫餅底又香又鬆軟～配埋士