影片
更多
2019-05-01
105 浏览
今日放工同朋友去咗荃灣三坡坊呢一間潮館度食潮州菜 ，原先係一個朋友介紹話上次食過好好食，所以想試下。不過地理位置真係有啲難搵，都要搵咗一段時間，所以我覺得佢都算係隱世餐廳。入到去發覺佢嘅裝修古色古香 很特別， 特別係木製嘅長板凳，好有特色。 因為我哋好早去到，差不多六點鐘就已經到咗，所以唔算多人， 不過食到後尾人潮就越嚟越多。先講下佢嘅餐牌， 佢有一個餐牌係專點老火湯，好吸引， 原先都想同朋友試下，但係我哋最後揀咗砂鍋粥就放棄咗，下次可以試下。佢嘅招牌菜係潮汕砂鍋粥， 如果配料多過200蚊就會係細煲粥，如果配料加埋多過360蚊，就會係大鍋粥，我哋兩個人所以就叫咗一個細鍋粥，配料係自選嘅。 今次叫咗海蝦，蟶子皇，鮮雞件， 蠔仔， 四種配料加埋剛剛好二百蚊，好抵食。砂鍋粥上枱一撈起，啲料多到塞滿咗成個煲 ，真係好誇張， 砂鍋粥粥底鮮甜可口，配住濃濃嘅海鮮料，鮮味十足，每人足足食咗三四大碗都仲有淨， 十分抵食。另外叫咗一個椒鹽鮮魷，價格經濟實惠好抵食。椒鹽鮮魷上枱，見到有好多，好大件， 感覺超抵食，鮮魷炸到外脆內軟，師傅好好火侯。食咗咁多好西，梗係要食啲菜平衡下啦，所以叫咗個蒜蓉炒通菜，菜新
入到去發覺佢嘅裝修古色古香 很特別， 特別係木製嘅長板凳，好有特色。 因為我哋好早去到，差不多六點鐘就已經到咗，所以唔算多人， 不過食到後尾人潮就越嚟越多。
先講下佢嘅餐牌， 佢有一個餐牌係專點老火湯，好吸引， 原先都想同朋友試下，但係我哋最後揀咗砂鍋粥就放棄咗，下次可以試下。
佢嘅招牌菜係潮汕砂鍋粥， 如果配料多過200蚊就會係細煲粥，如果配料加埋多過360蚊，就會係大鍋粥，我哋兩個人所以就叫咗一個細鍋粥，配料係自選嘅。 今次叫咗海蝦，蟶子皇，鮮雞件， 蠔仔， 四種配料加埋剛剛好二百蚊，好抵食。
砂鍋粥上枱一撈起，啲料多到塞滿咗成個煲 ，真係好誇張， 砂鍋粥粥底鮮甜可口，配住濃濃嘅海鮮料，鮮味十足，每人足足食咗三四大碗都仲有淨， 十分抵食。
另外叫咗一個椒鹽鮮魷，價格經濟實惠好抵食。
椒鹽鮮魷上枱，見到有好多，好大件， 感覺超抵食，鮮魷炸到外脆內軟，師傅好好火侯。
食咗咁多好西，梗係要食啲菜平衡下啦，所以叫咗個蒜蓉炒通菜，菜新鮮爽口，炒嘅火候剛剛好，好好食。
見到佢嘅菜單有炸普寧豆腐，其實好想食，可惜我哋兩個人食唔到咁多唯有下次再試。
仲有胡椒豬肚雞煲都好吸引。
最後要講下飲品，我而家先知道原來有一個飲品叫做天地一號，係蘋果醋汁嚟嘅，飲落去好似汽水咁，好好飲，真係孤陋寡聞。
埋單先係400蚊，真係超抵食。
张贴
