潮丸 (已結業)

今日加班加到8點幾，放工諗住求其係附近快速食個dinner先返屋企。行過見到潮丸見佢入面有位就入左去食。入面環境都幾骨緻，有長台，有4人座，有獨家位。餐牌選擇都幾多完化，有飯有麵，小食都吸引！招牌崩沙腩飯，崩沙腩燜到好入味，食落好有咬口，煙煙韌韌，一啲都唔肥唔油，啲燜蘿蔔都好甜好冧！雜丸拼盤，一盤有8粒丸，有炸牛丸、炸墨魚丸、炸魚旦同炸豬肉丸，即叫即炸，熱辣辣，最鐘意佢個炸牛丸，好彈牙又濃牛味！咸檸檬雪碧特飲，加15蚊就有！個杯有成半個咸檸檬，飲落好refreshing!!雖然加班好辛苦，不過食到好飽好滿足，正能量又返返黎！