陳儀興尚潮樓 (太子道西)

今次同friend去咗太子道西間「陳儀興」食潮州菜，環境舒服，裝修雅致。2個人叫咗幾樣嘢試下，整體來講都算唔錯！一坐低就嗌咗壺陳年普洱，飲落順喉甘香，消滯一流，襯返潮州菜夠晒地道。


必讚嘅係個「精緻魚露浸花蛤」，花蛤肉爽甜冇沙，魚露汁鹹鮮得嚟唔會太搶；跟住個「精緻汕頭煎蠔餅」都煎得幾靚，外脆內軟，蠔仔份量足又唔腥，點埋魚露食，好正！


另外，叫咗半份鵝肝，口感滑溜又唔會太膩，滷水汁入味，送粥一流。講到粥，個潮州白粥煲得綿，米粒分明，清清地正好平衡返啲濃味餸菜。