平成二十二日本料理 (已結業)

食放題可以食埋火鍋, 啱哂多心嘅後生仔, 尤其是喺山林道, 火鍋店林立嘅山林道, 見怪不怪。四人以上送蒸海鮮, 這個冬天暖笠笠   每日送四款生料, 事前唔會知係乜, 今盤有蟹、有蜆、有帶子、有和牛, 每人一件無得refill。蒸蟹過程由生到熟, 橙色嘅橫行霸道好快落入我口度, 新鮮到不得了, 雖然細隻無乜蟹膏, 但肉質都係鮮甜好食。乜嘢叫入口即溶?  食過蒸和牛就會知道   蒸可以突出嫩滑肉質, 完全不加任何調味, 原汁原味咁食, 和牛味道已經係一級棒   無得refill又無得再買, 好可惜 一向平成嘅刺身係令我地好放心, 食得出魚鮮味, 大蝦好鮮美, 蝦肉好彈牙, 蝦頭勁多羔 呢個日本蘿蔔煮牛腸已經煮得入味腍身, 牛腸有牛肥香, 蘿蔔煮得甜。天婦羅炸得好脆呀～  熱熱嘅上黎, 炸皮薄餡料大件, 味道唔太鹹, 凍咗唔好食 甜品食雪條, 仲有北海道泡芙限量供應㖭!