Shining Restaurant & Lounge (已結業)

『滷墨魚元蹄飯』和『滷蛋鵝肉飯』一睇就知係潮州嘢吖，但佢出現係呢間勁潮的『Bar』餐廳里，好好玩吖，好玩得來當然都要好食吖，上檯時間稍微多些少時間，但你見到嘅係擺碟好靚，好有西餐feel嘅嘢，而且滷水汁調味適中，切成片的墨魚没有橙紅色色素，爽口彈牙，感覺健康。鵝肉柔軟入味，而且佢係高蛋白，低脂肪，低膽固醇食物，絕對推介。『香芒酥』烤到香脆可口又精美，芒果果肉唔少。『天婦羅蝦』整條好直好有型，外皮脆卜卜，內裡好彈牙。而且新鮮即整，熱辣辣。各加10蚊就有宜家流行的冷泡茶(深蒸)和冷泡茶(玄米)。