煮打菜打冷小菜館 (已結業)

老老實實，2月份是我同家人的潮州節，由月初去潮汕，到月尾28號以潮菜結束。而今晚來到呢間小館為潮州節寫下完美的句號可選擇的菜式唔少，來吃飯嘅人亦都唔少，如果我同家人唔係早來一步，可能就要等位啦，真幸運。由於有4個人，於是嗌咗一個大嘅滷水拼盤，有滷水魷魚片，滷水鵝，大腸，脆腸，豬耳，滷水蛋等，好入味，啖啖好滋味，吃到停唔到口。仲有上枱時仲係滚緊嘅例湯。是晚例湯係豬骨雪耳佛手瓜湯，鮮甜無比，不是味精湯吖，而且大大煲，每人飲咗3碗。來到潮州菜館，又點可以唔嗌蠔餅呢？以下呢個名稱叫『潮式爆花蠔餅』同平時見嘅蠔餅唔同，佢比較有立體感哋呈現在我們眼前，炸得香脆可口，而蠔仔亦好新鮮及清楚睇到。生煸大白鱔煲亦好味至極，新鮮好咬口，配埋蒜蓉果皮簡直係絕配。豉汁帶子蒸豆腐也很有水準。