影片
更多
2023-06-05
58 浏览
素食越來越普及, 唔一定年紀大先食素。素食感覺light 啲, 現今食素都有好多唔同嘅餐廳, 小店都可以食中式或西式嘅素食。今晚同客傾完野係灣仔走走, 去到呢間舊灣仔街市入面食新派素食。呢間用咗好多植物做擺設嘅西式素食店, 入到去, 好似去咗溫室入面咁, 園藝同餐廳結合, 用了很多不同蘭花盆景, 植物裝飾盆景擺設好靚, 樓底好高, 加上一整排大玻璃窗, 採光度夠, 加上柔和嘅音樂, 格外唯美悠閒, 用餐環境好舒服。再加上實木桌椅, 有一種如在庭園中用餐嘅感覺。晚上6pm開始就有伴素晚餐, 全個set包含是日餐湯🥣+鮮果沙律🥗+小食+主菜+飲品🍹。餐湯、鮮果沙律同小食用幾何形狀嘅碗盤裝著, 特別精緻。伴素晚餐 - @$188甘筍南瓜湯食到濃郁嘅🥕南瓜味🥣, 味道好香甜, 香濃順口, 口感綿密。仲有好多甘筍南瓜蓉, 絕對係新鮮打出嚟。鮮果沙律新鮮又色彩繽紛, 沙律菜🥗新鮮爽脆, 配上西瓜🍉, 紅肉火龍果, 芒果🥭, 西柚🍊同香蕉🍌等水果, 用料豐富, 同埋醋汁調味, 酸酸甜甜食起嚟特別開胃。花枝魚餅花枝魚餅用大豆蛋餅製成, 炸得香口, 好彈牙, 仲有一粒粒嘅花枝感覺, 整得好真, 好得意。
晚上6pm開始就有伴素晚餐, 全個set包含是日餐湯🥣+鮮果沙律🥗+小食+主菜+飲品🍹。
餐湯、鮮果沙律同小食用幾何形狀嘅碗盤裝著, 特別精緻。
伴素晚餐 - @$188
甘筍南瓜湯
食到濃郁嘅🥕南瓜味🥣, 味道好香甜, 香濃順口, 口感綿密。仲有好多甘筍南瓜蓉, 絕對係新鮮打出嚟。
鮮果沙律
新鮮又色彩繽紛, 沙律菜🥗新鮮爽脆, 配上西瓜🍉, 紅肉火龍果, 芒果🥭, 西柚🍊同香蕉🍌等水果, 用料豐富, 同埋醋汁調味, 酸酸甜甜食起嚟特別開胃。
花枝魚餅
花枝魚餅用大豆蛋餅製成, 炸得香口, 好彈牙, 仲有一粒粒嘅花枝感覺, 整得好真, 好得意。加埋酸辣醬汁一齊食, 更加好味。
鹽酥素雞髀
另一份餐小食叫咗四川素炸杏鮑菇+鹽酥素雞髀🍗。素雞髀其實係用枝竹卷住棒整的, 個外型整得都幾似雞髀; 仲有杏鮑菇一件件炸過, 好似雞件咁, 表面仲有五辛麻辣粉, 味道好惹味。
Impossible Meat漢堡
外型🍔唔使講啦, 連漢堡扒都做到, 煎到真肉一樣, 食落口感同真嘅肉幾乎無分別, 仲有芝士, 蕃茄🍅, 生菜🥬, 酸瓜🥒等, 味道超豐富, 全個漢堡好juicy。呢個值得推介!
四重芝士ImpossibleMeat肉醬扁意粉
另一份主食要咗意粉🍝。意粉都做得好好味, 用素芝士都可以有拉絲效果, 素肉碎嘅口感同真肉碎好似, 個肉嘅質感好似, 加埋蕃茄醬, 味道同芝士肉醬意粉十分相似。
飲品
有凍/熱桂花烏龍茶, 西柚汁🍹, 或者加錢要其他。我哋加咗一杯要西瓜汁。
凍西柚汁
西柚味道甘酸, 用新鮮西柚榨汁, 冇加糖, 而且氣味香甜。
西瓜🍉沙冰 - $46
夏天點可以唔飲凍嘢呀? 西瓜本身已經消暑, 西瓜沙冰就更冰涼啦。
北海道3.6軟雪糕朱古力西多士 - $58
北海道3.6牛乳軟雪糕, 味道香濃細滑, 配上自家製朱古力西多士, 西多士外脆內軟, 入面有朱古力醬夾心, 熱熱地。將雪糕放到西多士上一齊放入口中, 口感豐富！ 就算只食西多士都已經好好味呀!
#ovocafe#eatgreen#vegetarian#impossiblemeat#burger#pasta#hkfoodie#hkfood#假日好去處#灣仔 #灣仔美食#WanChai #HongKong#wanchaicafe #cafe#灣仔素食 #香港素食 #香港美食#veggie#西多士
张贴
