HABO室內釣蝦場

营业中

休息中

前排我fd帶咗我去體驗釣蝦🎣🦐平時淨係係啲fd嘅ig見過，今次真係第一次親身去！🤣呢度係新開嘅，環境真係好闊落同埋乾淨✨嚟到呢度，我地見到好多人已經開始釣蝦，好興奮！🤩而且唔洗擔心釣唔到，因為有專業嘅店員會耐心同我地講解釣蝦技巧，真係好貼心🫶🏿雖然我哋冇乜點釣到(見到周圍嘅人都有大量收獲)，但過程聽下歌都好享受😌話明即釣完即煮，我哋order佢哋嘅招牌菜～秘製蒜香醬油蝦！🦐為咗保持蝦嘅新鮮，廚師即刻將釣到嘅蝦放入特製嘅醬油同蒜蓉之中炒🤪​佢可能見我哋冇乜收穫，就偷偷多送咗幾隻新鮮蝦俾我哋食，勁好人！每隻蝦都勁新鮮，而且廚師特別挑走蝦腸，真係好細心！蝦頭仲有好多肉同肓，勁正🤪食落口感鮮甜，令人滿足！👅除咗即場食蝦，我哋都叫咗佢哋嘅炸魷魚小食🦑絕對係必試！魷魚炸得好香脆，一咬落去，充滿濃郁嘅海鮮味，真係好好食🥰💕呢個釣蝦場係一個環境舒適又特別有趣嘅地方！除咗訓練自己耐性，享受釣蝦嘅樂趣～呢度嘅食材都好新鮮，而且廚師嘅細心更加令人有驚喜🫶🏿如果想體驗一個獨特嘅食樂活動，就要再嚟過啦！一定會玩得好開心同滿足！💯