凱富菜館 (已結業)

大隱，隱於市。
原來鰂魚涌有一間咁獨特嘅潮州菜館。

唔好睇個門面好似咁舊，入面好多後生仔嚟食。可能潮流興食潮州菜。
當年食宵夜，例必去潮州打冷，食個凍蟹加一鍋潮州粥，例牌係咁無得走雞。

未點菜，食個小食先，咸酸辣嘅魚仔，幾開胃惹味

潮州菜必食鹵味拼盤加鵝片，無得輸。

炒個蕃薯苗，平時好少食，都幾好味

生炒骨，勁正酥脆，夠味。

潮州蠔仔粥，食潮州菜唔係唔食潮州粥掛？尤其係蠔仔粥，蠔仔香甜嫩滑

呢個特色菜，咸檸檬蒸烏頭，香味一陣陣，戴口罩都擋唔住

反沙芋，甜甜地，當做甜品一絕