影片
更多
2021-10-04
40 浏览
川菜eatcovery #銅鑼灣eatcovery💡 潮爆川菜到數近期hit爆川菜店，應該呢間一定係上榜之一。因為除左好食之外，食物賣相仲好得。🍽 炸饅頭 餐廳王牌炸饅頭，賣相已經可以比滿分，因為以超有氣勢的麻辣風雲船碟盛上，而船身仲會噴煙，真係好igable。當日見到，差不多每一枱客都有叫。饅頭炸得金黄香脆，但又唔會太油膩，點埋煉奶食絕配。最特別係除左煉奶，仲配左抺茶醬、秘制蒜蓉醬及朱古力醬，真係一次過滿足曬多重口味！🍽 酸菜魚（小辣）酸菜魚份量十足，配料方面有豆卜、菇類、芽菜、萵筍、寬粉等等，十分豐富，而且好入味。魚肉香滑幼嫩，無腥味，而且相當入味，酸酸辣辣，好開胃。🍽 麻辣夫妻肺片雖然唔係好大碟，但辣辣地，好爽口，愈食愈過癮。🍽 涼拌雞絲粉皮 細細碟，但份量都幾多。有雞絲、青瓜同粉皮，3樣野都好平均，而抵讚嘅係花生醬好香濃，撈埋好滑嘅粉皮一齊食，口感夠曬豐富。🍽 菊花蜜一埕賣相好別緻，用一個好靚好古色古香酒壼，味道清甜，飲落有陣陣菊花味，岩曬食完辣野清涼一下。🍽 黑糖脆炸糍粑糍粑一份有6條，係炸過嘅糯米，外皮香脆，內層煙韌，好有驚喜！面頭鋪左黄豆粉，蘸上黑糖醬甜度剛好～ ps/整
💡 潮爆川菜
到數近期hit爆川菜店，應該呢間一定係上榜之一。因為除左好食之外，食物賣相仲好得。
🍽 炸饅頭
餐廳王牌炸饅頭，賣相已經可以比滿分，因為以超有氣勢的麻辣風雲船碟盛上，而船身仲會噴煙，真係好igable。當日見到，差不多每一枱客都有叫。饅頭炸得金黄香脆，但又唔會太油膩，點埋煉奶食絕配。最特別係除左煉奶，仲配左抺茶醬、秘制蒜蓉醬及朱古力醬，真係一次過滿足曬多重口味！
🍽 酸菜魚（小辣）
酸菜魚份量十足，配料方面有豆卜、菇類、芽菜、萵筍、寬粉等等，十分豐富，而且好入味。魚肉香滑幼嫩，無腥味，而且相當入味，酸酸辣辣，好開胃。
🍽 麻辣夫妻肺片
雖然唔係好大碟，但辣辣地，好爽口，愈食愈過癮。
🍽 涼拌雞絲粉皮
細細碟，但份量都幾多。有雞絲、青瓜同粉皮，3樣野都好平均，而抵讚嘅係花生醬好香濃，撈埋好滑嘅粉皮一齊食，口感夠曬豐富。
🍽 菊花蜜一埕
賣相好別緻，用一個好靚好古色古香酒壼，味道清甜，飲落有陣陣菊花味，岩曬食完辣野清涼一下。
🍽 黑糖脆炸糍粑
糍粑一份有6條，係炸過嘅糯米，外皮香脆，內層煙韌，好有驚喜！面頭鋪左黄豆粉，蘸上黑糖醬甜度剛好～
ps/整體黎講，抵食得黎又好味。而且飲品都好特別。當日如果無book位，根本無機會食到，因為實在太多人，所以建議要預早book位 ！
张贴
