點心到 (廟街)

营业中

休息中

想食點心，依家唔一定去酒樓近年多咗好多點心專門店，裝修簡約，坐得舒服對比傳統酒樓嘅熱鬧喧嘩，更能享受點心嘅美味😆係佐敦廟街就有一間點心到由本地香港點心師父全人手製作點心，即叫即蒸除咗傳統點心亦有創意新穎點心，例如： 卡通流心芋蓉包、黑金流心包等🌠原隻蝦燒賣燒賣如其名，真係有原隻蝦及蟹籽係燒賣上面，外皮薄，餡心柔軟，咬落彈牙有鮮味😆🌠金沙脆皮銀蘿腸以為只係平時嘅炸兩，但食落腸粉滑嫩可口，配上脆度剛好嘅薄身嘅油炸鬼包住蘿蔔絲，真係好惹味！ 相比傳統炸兩，呢間用薄身油炸鬼包蘿蔔絲，食落更香脆爽口！🌠燒汁釀茄子圓碌碌茄子圓潤飽滿，茄子煎後軟身香口，上面配爽口嘅鲮鱼滑~不過由於即叫即制，食個陣小心燙！🌠黑金流沙包推薦！呢款黑金嘅外表已經好搶眼一咬開啲流沙香甜奶黃餡就湧出嚟，真係好正！打卡一流😜🌠籠仔煎蛋牛肉飯初頭諗係咪姐係窩蛋飯😆但原來唔係，用荷葉包啲嚟蒸多咗陣荷葉香味， 牛肉餅有芫茜，食落似平時食開嘅山竹牛肉，再配甜豉油，秒殺！🌠楊枝金露呢到飲茶都可以食埋甜品，而且仲要整得唔錯！每一匙都好足料！食落酸酸甜甜，好重奶白😆