吉列牛忌廉烏冬專門店 (百樂中心) (已結業)

前排去左銅鑼灣的Kobekyu食飯，咁耐以嚟都係第一次食，估唔到佢地既野食都算平。一入去, 樓面都算大, 成個場坐滿人, 個個都係衝住鐵板燒吉烈牛而來。多數都係後生仔女來食。首先到既野食係咖哩忌廉烏冬。碗烏冬係由白滑既cream , 蓋住泥黃色既烏冬底, 十足韓國女仔化妝哲學。雖然成大PAT cream係面, 但撈埋下面烏冬之後就一D都唔漏,仲有D綿滑既口感。烏冬可以選配雞肉或者豬肉, 我地就揀左豬肉。我推薦比D想試下新口味既朋友, 依碗烏冬無論賣相同味道都唔會令人失望。之後就係咸蛋薯條。而家流行咸蛋, 乜野都加咸蛋落去。 依家薯條都唔例外, 不過依間都炸得算好食, 粒粒咸蛋黃都包住條薯條, 而且咸蛋黃味濃, 點埋個醬, 都幾惹味。不過就要食快D, 因為底下果D會好快淋, (解決方法就係放上個鐵板度燒兩下)美式頂級迷你脊套餐既肉當然冇意外地出色, 肉味濃又厚, 抵食。同時間, 果舊大啡菇都好吸引, 唔會煮到梅哂, 仲依然彈牙, 撈埋洋蔥一齊放入口, 真係要食多幾個先至夠喉。最後提示, 鋪頭樓下電梯要排隊, 建議訂左位既早5分鐘係樓下等就差唔多。