影片
更多
2019-12-21
145 浏览
今日上堂前同朋友去左旺中覓食, 但我真係太多年無行過旺中, 完全唔知道入面有小食區, 好似葵廣咁… 🤭 因為今日係星期日, 所以好多人係度買野, 加上條路又有少少窄, 兜兜轉轉終於黎到位於1樓既小食區。一個小小的角位有5-6間小商店, 真係估佢唔到。由於最近有D熱氣, 都係唔係煎炸野住, 最後決定食腸粉, 飽肚得黎又正氣。計埋期間限定既芫荽雞蛋腸, 呢度總共有12款腸粉俾客人選擇, 款式口味大路, 價錢由$26 - $32 不等, 如果想追加配料, 每款 +$3。朋友叫左雞蛋蝦仁腸, 而我就揀左精選五寶腸。落單後, 店員會俾一個牌仔你, 上面會有一個數字, 大概等10分鐘左右就有得食!精選五寶腸 ($32)等左10分鐘左右, 終於有得食啦! 呢種潮式腸粉外皮皺皮, 扭成麻花狀, 配料並唔係包係腸粉入面, 而係放係外面。由於我叫既五寶腸有蔥花, 粟米, 雞蛋, 鮮肉同蝦米, 所以望落去幾豐富。佢所用既醬油應該係自行調過味, 比一般豉油更香, 但亦較油膩。食到最尾會見到一層油聚係碟底, 有少少heavy呀🤭🤭腸粉配料好足, 粟米🌽爽口, 蝦米🦐既香味幾出, 令腸粉好香口。不過腸粉雖然軟身但
計埋期間限定既芫荽雞蛋腸, 呢度總共有12款腸粉俾客人選擇, 款式口味大路, 價錢由$26 - $32 不等, 如果想追加配料, 每款 +$3。朋友叫左雞蛋蝦仁腸, 而我就揀左精選五寶腸。落單後, 店員會俾一個牌仔你, 上面會有一個數字, 大概等10分鐘左右就有得食!
精選五寶腸 ($32)
精選五寶腸
$32
30 浏览
0 赞好
0 留言
等左10分鐘左右, 終於有得食啦! 呢種潮式腸粉外皮皺皮, 扭成麻花狀, 配料並唔係包係腸粉入面, 而係放係外面。由於我叫既五寶腸有蔥花, 粟米, 雞蛋, 鮮肉同蝦米, 所以望落去幾豐富。佢所用既醬油應該係自行調過味, 比一般豉油更香, 但亦較油膩。食到最尾會見到一層油聚係碟底, 有少少heavy呀🤭🤭
腸粉配料好足, 粟米🌽爽口, 蝦米🦐既香味幾出, 令腸粉好香口。不過腸粉雖然軟身但略厚, 同埋唔知係未我既筷子功太差 (或者碟腸粉太油), 有D難夾起個腸粉。即使夾起左都容易趺番落去, 仲食彈起D汁💦, 要食得小心D。另外就係雞蛋分佈唔太平均, 只有少量腸粉有雞蛋, 如果多番少少就更好啦。
雞蛋蝦仁腸 ($26)
雞蛋蝦仁腸
$26
22 浏览
0 赞好
0 留言
朋友揀左呢款腸粉, 佢就話味道唔錯。不過因為食野既時候因為人比較多, 我地全部人都share用一張高圓枱食野, 環境比較窄, 我地用左好短時間就解決左碟腸粉, 未能好好享受食野既時光。不過環境所限, 都無辦法。
张贴
