牛牛鮮

今晚同班friend去咗旺角瓊華中心9樓嘅牛牛鮮食晚餐，位置超方便，一出lift就見到！環境光猛又乾淨，裝修新潮，枱凳闊落，氣氛勁熱鬧，播住輕快音樂，坐低即刻feel到好有食慾😋。服務員好有禮貌，收碗補食材都快手，仲有自助區擺滿配料，睇到眼都花！

手切吊龍🐮
師傅新鮮手切，切到薄薄哋，淥落胡椒牛骨湯底煮10秒就食得。味道油香勁重，肥美得嚟又唔膩，牛肉彈牙鮮甜，咬落去juicy到爆💥！真係超有驚喜，牛肉控必試，食完想encore多round～

海鮮拼盤🦞
有龍蝦半隻、鮑魚、大蝦同沙白，全部即叫即上，煮完湯底更鮮甜。龍蝦肉質實淨彈牙，鮑魚爽口冇腥味，海蝦鮮甜到lam lam脷👅！豪華享受，回本首選，朋友都讚到唔停口～

南乳雞翼🍗
即叫即炸，外皮炸到金黃香脆，咬落去juicy爆汁。南乳味好獨特，香氣撲鼻，配埋少少辣粉，食落好過癮😍！估唔到熟食咁高質，邪惡但忍唔住食多幾隻，真心推介俾鍾意香口嘢嘅你～

整體嚟講，三百幾蚊任食150分鐘，抵到爛！食物新鮮到震，環境舒服，適合同friend吹水聚餐。食到捧住個肚走，下次一定再嚟encore！