影片
更多
2023-02-14
113 浏览
二月中，捉緊冬天既尾巴~ 原來旺角有間全港首創既潮式鹵水火鍋店，用滷水汁做湯底，即刻相約家人齊齊打邊爐🥹 佢地食完都好滿意，大讚呢個價錢好抵食✅ 無論係家人或朋友聚會，黎呢度開餐一定唔會中伏！餐廳裝修行中國風路線，天花圖案﹑燈籠都係以紅色為主，餐具都好有潮洲特色🇨🇳 值得一讚係空間寬敞，唔會為左做多D生意而坐到密密麻麻，坐得幾舒服。自助區環境夠乾淨企理，抽風系統做得幾好，就算係打邊爐都唔會好大油煙。潮州鹵漢主要有3個套餐，豐儉由人。我地揀左中間價位既B餐，食得超飽肚😋！1️⃣ A餐(120分鐘) ‧ 鹵漢圍爐：精選進口肉類 $168-2082️⃣ B餐(120+30分鐘) ‧ 海鮮初體驗：手搖海鮮袋﹑安格斯牛肉 $238-2983️⃣ C餐(120+30分鐘) ‧ 鹵漢全席：手搖海鮮袋﹑醬油漬海鮮﹑安格斯牛肉 $288-378*Weekend每位加多$20，有加一。♢ 🍲湯底湯底有6款選擇：招牌鹵水鍋﹑潮汕沙茶鍋﹑清雞湯鍋﹑特色麻辣鍋﹑皮蛋芫茜鍋﹑濃郁蕃茄鍋，加$48仲可以叫鴛鴦鍋添！今次就返家人口味，叫個皮蛋芫茜鍋無咁熱氣，清熱下火，打邊爐都可以養生一下。♢ 🦞手搖海鮮袋波士頓龍蝦 / 北海道元
餐廳裝修行中國風路線，天花圖案﹑燈籠都係以紅色為主，餐具都好有潮洲特色🇨🇳 值得一讚係空間寬敞，唔會為左做多D生意而坐到密密麻麻，坐得幾舒服。自助區環境夠乾淨企理，抽風系統做得幾好，就算係打邊爐都唔會好大油煙。
潮州鹵漢主要有3個套餐，豐儉由人。我地揀左中間價位既B餐，食得超飽肚😋！
1️⃣ A餐(120分鐘) ‧ 鹵漢圍爐：精選進口肉類 $168-208
2️⃣ B餐(120+30分鐘) ‧ 海鮮初體驗：手搖海鮮袋﹑安格斯牛肉 $238-298
3️⃣ C餐(120+30分鐘) ‧ 鹵漢全席：手搖海鮮袋﹑醬油漬海鮮﹑安格斯牛肉 $288-378
*Weekend每位加多$20，有加一。
♢ 🍲湯底
湯底有6款選擇：招牌鹵水鍋﹑潮汕沙茶鍋﹑清雞湯鍋﹑特色麻辣鍋﹑皮蛋芫茜鍋﹑濃郁蕃茄鍋，加$48仲可以叫鴛鴦鍋添！今次就返家人口味，叫個皮蛋芫茜鍋無咁熱氣，清熱下火，打邊爐都可以養生一下。
♢ 🦞手搖海鮮袋
波士頓龍蝦 / 北海道元貝 / 鮑魚 / 魷魚筒 / 沙白 / 蔬菜
海鮮袋可以揀麻辣/蒜茸/醬油漬味，我地揀左蒜蓉味，店員會幫手shake shake，幾有儀式感！幾欣賞餐廳係menu上寫明有咩海鮮，絕無取巧~ 每樣海鮮都夠新鮮大隻，加埋蒜蓉醬超滋味，仲要估唔到放題價都食到龍蝦，超抵😆
♢ 🥩肉類
安格斯牛頸脊 / 牛板腱 / 牛肩胛 / 肥牛片 / 西班牙黑豚肉片 / 紐西蘭羊肉卷
牛肉質素唔錯，特別係牛頸脊，紋理美觀，油花分佈平均，牛味濃郁，份量都夠大塊。餐廳係解凍方面做得幾好，拎黎已經解凍好，唔會雪到硬晒痴埋一舊。
♢ 🥬火鍋配料
配料選擇超多，由是日海鮮﹑手打滑類﹑丸類﹑蔬菜﹑麵類都應有盡有。推薦必試手打墨魚滑同蝦滑，爽滑彈牙！潮式伊麵都係打卡必點，賣相滿分，記得要出去自助區拎先有呢個打卡盤呀~
♢ 🌶特色食品
除左火鍋配料，餐廳仲提供唔少熱食，有多款潮州鹵水小食，例如麻辣豬手﹑豬紅﹑普寧豆腐﹑反沙芋等等，多到不能盡錄。自助區仲有唔少時令熟食，有蒜蓉粉絲蒸蠔﹑黑椒炒牛肚﹑咖哩燴牛筋﹑辣酒煮東風螺﹑黃油鹽焗雞﹑糖醋排骨﹑鹵水浸鵝件﹑清蒸海上鮮。小食整體都幾有水準，絕對無hea做~
♢ 🍧甜品
選擇比較少，網上落單可以叫黑糖薑汁芋圓 ﹑鹵漢自家製涼粉，不過太飽就無試到。
♢ 🧃飲品
汽水、茶飲、果汁、啤酒任飲，岩哂一家大細！
♢ 🌟服務
餐廳請左好多店員，上菜速度快，網上落單幾分鐘後就已經送上火鍋配料🚀 另外食完都好快收碟，保持枱面乾淨企理。
张贴
