煮打菜打冷小菜館 (已結業)

愈黎愈中意食潮州菜,係果頭聽完個講座就覓食,見到間野好多相,又有好評就入左去。我叫左鮮GOOSE片,多肉,肉好結實,又有幾款汁比你選擇。下面有D豆腐吸晒佢D汁。想飲湯又想食海鮮羹。結果叫左個豆腐海鮮羹,冇諗過份量咁多,結果我1人飲唔晒,但好飲,有帶子,有蝦,有豆腐。見自己食左好多肉,就叫左個豆士鯪魚油麥菜BALANCE返。平時食呢味菜都唔覺有咁多豆士,今次落左好多,個味好出。樣樣都好好味加份量多,多一個人一起分享下會好D。呢度有D墨寶,唔錯,又有幾部電視可以解悶。上菜都幾快。呢度真係好多人食,見佢每張檯都坐滿人,好有人氣咁。感覺上呢間都幾地道,真係有好多潮州野食呀。同埋野食樣樣好大份,真係大件夾抵食。