鈺膳潮州菜 (駱克道) (已結業)

呢排食西餐同瘋狂打邊爐,食到有D厭,想換下口味,見到呢間潮式餐廳好靚仔咁,就同家人去左食。次次食潮式食物都一定點GOOSE MEAT,今次都唔例外。個份量都幾多呀,肉下面仲有豆腐片添!我仲叫左栗米魚肚湯,好好野,夠4個人食。呢排食得太多熱氣食物所以叫左蠔仔粥,大大粒,又有肉碎,夠2個人食,蠔仔D味去晒碗粥到。唔錯唔錯!呢度係私房菜,有D房坐一檯,好有私密感。我食緊先已見D熟客黎食野,有D菜式要預先打電話約先有得食。本身想食凍蟹,但冇事前預約到。見到張MENU勁多野食,想食豪D仲有翅同燕窩食添呀!呢度既裝修好有自己既風格,有D書法同花,擺設好有中國文人既感覺,同其他CHAINED餐廳既感覺好唔同。