潮州人 (已結業)

逸東酒店𥚃面有個food court，你可能未必知道，𥚃面仲有好多選擇，咖喱、牛扒、烏冬、漢堡、丼飯、泰菜、越菜、住家飯等等，試過丼飯同烏冬都未如理想，今次試呢間新店就一試愛上，以後嚟又多個選擇。

🥢星級手切牛湯米粉(小)$73 ⭐️⭐️⭐️⭐️

1

如果你鍾意食生牛肉，就一定要試呢個星級手切牛，呢款牛係生嘅，就好似越南生牛肉河咁，不過呢度嘅湯唔會太滾，所以牛肉唔會浸熟，但我覺得生生地幾好味，牛味濃口感軟熟而且一啲都唔肥，一碗有成6、7塊牛，好抵食，米粉彈牙煙韌，一碗小嘅份量剛適合女士，如果唔想食米粉，都可以轉白飯或者菜底。


🥢蔥油廣島蠔+竹蔗茅根水 ⭐️⭐️⭐️⭐️

+ $19轉套餐，有一個小食同一杯飲品，我想食蔥油廣島蠔(3粒)，所以要額外+ $13，廣島蠔真係整得好好味，口感滑溜到似生蠔，蠔味重無雪味，大大隻好飽滿，下次嚟要加碼先夠喉。


一人共消費：$108