百樂潮州酒樓 (希慎道) (已結業)

今晚一行三人嚟食潮州菜。潮州人食潮州菜基本上不需要看餐牌。百樂潮州酒家，間中都會嚟食。仲要係米之蓮推介。正呀。潮州菜， 一定會食滷水鵝片豆腐。好味夠大碟。大家最後竟然食唔晒。可見份量真係唔少。不過今晚嘅鵝片略嫌有少少林。胡椒豬肚湯。非常美味。 本人最喜歡食辣。胡椒亦可以暖胃。豬肚分量足夠。 大家都食到津津有味。川椒雞。 不嬲對呢個餸冇太大興趣。朋友想食所以點左。其實味道都唔錯。火腿蓉紹菜。 好食。送飯一流。綠豆爽清心丸。還可以。畢竟唔係周圍有得食清心丸。鴛鴦水晶包。今日呢個就真係一般。整體上都合格。前幾個星期同朋友嚟嘅時候， 點左一個煎蠔餅。仲有一個韭菜炒豬肉。其實兩個餸非常好食。呢間會再嚟。(其實比較鍾意時代廣場嘅分店嘅環境，不過感覺上舊舖即係呢間，比較便宜，餸亦比較大碟。所以大家可以睇下你想要嘅係乜嘢， 再決定去邊一間分店)